Traduction en langue corse du Fesch Poème, par Ludovic Baris

14 Octobre 2021

Dominique Ottavi

FESCH Versu

Adaptation en langue corse de Ludovic Baris

Salute à tè,
O tù,
L’Omu à a Manichetta
chì sà bè cumu frequentammi
Dapoi un pezzu
Pedonu di u Fesch
Misuratore allegru
Da i i so curridori, da e so sale
À pianaghju altu
Pocu tempu fà sale di classa
Salute à tè o Aristide U Nerrière
Chì ma rifrinscatu a mimoria Rinfriscà u desideriu di l’ancu
Vene à visità ti
Ochji à ochji
Senza ch’è
Da tè O l’Omu à a Manichetta
Sente mi
Ghjustu guardà ti in cioccu à cioccu Senza fallà
S’affacca u vaghjime
Cù e so scarpe villute
È tù ùn ti ne movi
d’un cigliu
Mi sò andatu ghjustu nanzu à a piove

Erate tale una rosa
À tagliu di u caminu petricosu Erate divina è sulenne è sularia È ùn l’aghju micca sapiutu Capilegnu

I nevuli si tinghjenu d’ocra
U listessu chì si pò vede da u tippale Ciuttatu pianu pianu
In l’acqua di issu mare
Indefinita
Senza rumore
Stirata

Sin’à l’orizonte
Ghjustu a pena chì sugeritu
Salute à tè, o tù chì riposa
Allanguita da tutta a to superba
À mani mancu
Duve a ghjente dice chì si trova, u core U to bracciu tesu chì allunsincheghja À l’aridittu di u polsu
ch’ai gracile
È chì pare esità
Trà abandonu è esitazione Destinazione di st’elementu Imprubabilmente
misteriosu
O a to palma aperta
I to diti tantu fini
In curolla
Trimulendu
U to pettu drittu scupertu
Cù dignità
A to tunica
A to blusa bianca
Di vestale
Duve s’arriposa
A lira
À mezu scamattata
O u to corpu lasciamentu abandunatu Trà mare è scogliu
O i to ochji chjosi
A to bocca à mezu aperta
O a parfizzione di e to labbre
È issu frisgettu serpa in i to capelli
O Saphò
Naturale micca naturale
Tenda ligera
O Joseph-Thomas Chautard
Mi inditeghja chì Saphò
Nò ùn dormi micca
Chì tù sè bella si vede
È morta è bè
Però
Bella tantu bella è bè in caminu Dighjà da issa sponda
Hè altu issu tipale ocru

Lesbos
O chì tù sè bella è bella da vera
Amore addisperatu si dice
O Phaon
Per quale avia di sicuru pigliatu a campagna E prode giuvanotte
O Sapho o u to corpu languiditu
Tantu desirevule
Chì risponde in tutta perfezzione
À u corpu languiditu ancu
Precisamente desirevule
Da u tipale ocru
Chì ti guarda
Chì tù guardi

Eru u Passante Senza ricordu N’è speranza Solu passante.

Aviu tantu sunniatu
Tuttu passante ch’o fussi
À modu meiu
In issu palazzu
Palazzu à u senzu primu
A ringraziavvi
O Madama Cristofari
O Mario U Sepulcre
Eccu mi da e galerie
È e sale di u Fesch
Spassighjendu mi in isse sale di mele Venandu à u scontru
D’un altru eiu stessu
Caravagescu
Ogru mischiendu
Nutritu da frutti multiculori Insensibuli
Sò campagne d’Italia
À u bisognu campagne di pub
Da e quale fù
Pè a prima volta
In Wateloo vintu
Simu noi in Austerlitz
À sempiternu grognards

In cerca da u puntu di partenza Vultati nant’à i camini di a luna À coglie fiori è curone
È ghjaciature

Insensibuli è sereni
Tale ritelle di sta machina ugliata cum’ellu ci vole Ùn essendu più pinserosu
O cusì pocu di Joseph
À mezu à retu di i sciabulori
O Joseph in a to carretta
Chì empie pocu à pocu
Tele di maestru
Micca prese à i nemichi nò
Ghjustu affezziunate da ellu
À a tuntia
O Joseph Fesch, figliolu di François
Di bala
È d’Anghjula Maria Pietrasanta
Da quì
Ti saria piaciutu à nasce quì
Ch’ùn avaria pussutu
Dici
In i to nizzulimi di u parchì micca
Cuntinueghji

U gran Tiatru Di l’inutile
È di u futile
À gran’ rinforzi Di bugie

è tralalà

Saramu stati tranquili è impazienti Prissati di fà avvene
Ciò chì rivene
Provu

Stocu
Sempre e soluzione imparfette
E più ch’è parfette dinò
È mi arriguleghju à spessu à a facenda Facenda amata ridundente amara

È in tuttu questu chì piazza accupa dunque U ghjuramentu meiu à u filu di a spada Serpa in i nivaloni
I nivuloni invadenti

Chì si troncani à duppià mi À mani manca
O pocu impreme
Innò a sapeti bè

Sò natu in e stelle
Una matina di veranu
Quandu l’arimitu tontu di rabbia
Si manghjò a manichetta
Da a mani manca
Pinsendu chì si trattava di i diti soii
Cum’è ti tengu caru O l’arimitu
Cum’è tù manchi à u me quotidianu
È in stu palazzu duve stò
Cum’elli mancani i ciambellani
E so manichette bianche
E gosce nudi musculate
D’un vechju omu à l’angunia
In l’attrachju verde bronzu
À l’appiatu
Ùn avaria micca fattu a scumessa nant’à ellu Ùn mi l’anu micca dumandatu
Ricusu d’esse cunvucatu
Invitatu di raghjò
Passente sculiscendu
À nant’à e dale di l’eternità
Chì hè a mo vita
Quandu mi ne scordu di dì eiu
Eccu ai dettu
È contu à quarta misura per tè

Pè disciffrà ci
Ùn sò quale speciosu Argumentu
Assentatu
À ora di punta
Chì finisce sempre à vultà Vistutu di bisgiu
Di surrisi lanciati
À ghjuvore
Versu quale ci vole

O Leda, tù sonni a carica
U cignu ùn hè ch’è u segnu
Parfettu di a to gioia
Culurita da a languidenza un pocu trista D’esse vivu
In piena vita
Ribombanu i sussuri
À nant’à e stese teghje
Duve u ribombu ch’elli facenu i to passi Hè quellu d’una sunate imprecisa Intrepidu
Di bona lega
O u villutu rossu di e banchette Esaltantu cum’è un prufumu di festa Classiosa
Semu in a cursiva
Un pocu oppressante
D’un battilone
D’un ferry à u portu
Mutore bufunandu
Tenendu ci à ogni opara
Senza alcuna sclusione pussibuli
À ogni sala
O voi chì entrate quì
Lasciate ghjà a vostra culera
À u spugliatoghju

Sè quest’ombra
Passandu à nant’à e macerie D’un batellu arriunatu

Semu torna in vita
In vita bona
È l’arte a ci rende bè
Di u graffitu è di u zolfu
Di e sgringulate d’ughjetti preziosi Culori acquaria onice
Lame suttile
Quelle d’un tarottu imprununziatu Mancu una risa, un surrisu ancu Ognunu si ne stona
Chì quì u tonu
Mai ùn tona

A notte d’inguernu si ne vene Quaghjò in a corte
O a statula di u Cardinale
Si pò guasgi avvisà da u sopra Issu cranu ridiculu

Chì si pare placidu
Ussenu un pocu
Semu un vita
U settesimu circulu
Da l’infernu à quattru mani Populatu d’elefanti

À quattru candelle
O l’ardente circandu ad aghjunculà
U so bellu ulanu
Chì nun pò ma
Impastughjatu da u so sciaccò
A so sciabula chì piglia
Malgradu l’aiutu infuriatu di u zitellu
Si spazianu e culone
Davant’à l’armata di i cavaglieri
In caminu versu à u mare luntanu
O l’adurevule servucciu turcu
Chì s’appiega à purtà chjesalmente
Cù precuzioni
A purtata operata
Duve truneghja l’imperiale
Teiera
O quiss’arte di taglià e mine
In quattru
Alza u ventu a bianca banderola
Chì si ne stà quassù à u sopra di a torre grisgia Chì dumineghja e muraglie ocre
Aperte da una nobile porta
Arruvinata
Ùn ci vulia tantu corre apress’à u biotu
À u sonu di u falzu cornu
Sciabule sbucculate
Vense dopu a malincunia
Luntanu dopu à e ruvine
Ùn hè vera O Giaquinto
U trè maghji allinguatu
Da cusì minuscula traglia
À u pede di l’orgugliosu palazzu
Chì sbarsa

Annant’à u molu
Duve si mufrignanu
Ghjentuccia
Abbisistita
Ma fiera quantunque
Sicura di ella stessa
Di i so attori camarrati
Simu cum’è si diciaria
L’ultimi di i primi
È a furtuna ùn faremu
Ghjustu bombanza
O i canoni spenti
Annigati in a mazza
Assicurandu u mantenimentu
U strangulamentu in u nassu
O sta furtuna ridicula pè una sorte Sigillatu da a ghigna
O u spaventu di i cretini
À u ventu di u diventà
O e mascine di guerra
Sunniendu di Cythère
Ùn simu micca i più fieri Manc’appena
Solu i più efficaci

U so fronte
A so bocca storta Ùn dumandava ch’à esse intesa

Cusì e traccie
Si sguassanu
I fumi bianchighjeghjanu Pocu à pocu
Nant’à u celu turchinu
Duve correnu i bianchi nevuli Maravigliosi
Chì ti sburlanu l’anima
Una torre
Duie torre
Un porticu
Un’oria
È mila cavalli
Senza cavaglieru

Si ne vene a notte
Si chjottanu e bandere
Versu à a terra
Marturiata
Sanguignulendu
Miraculu
Impronttu
Manere
Evviva a Sposa
O Il Pomarancio
L’anghjulu di a tuntia Drappatu di a robba
Cabile
Ale berbere
U dittu stesu
Contr’à a maledizzione di i celi L’Anghjulu decadutu
Ma u so pede
Nant’à a ferita turchina
Chì u leghjitimeghja
À u dittone disulidarizatu
Di l’altri
Eccuci à l’alba
D’un vicinu stranniu
E basse sò cugliu nate
L’ordini venenu da quassù Nimu ùn si scumputeghja

Nimu ùn pudaria Malgradu a culomba Annunciatrice
D’un’ epifania
Gloriosa solu da u nome In fattu dighjà trista Cosa cerca

Cusì
L’ochji amanduli
Nant’à issu cuscinu lussuosu
A terra
Atteritu
Listessu à l’anghjulu tristu
È issu veculu di nascitoghju
À a prumessa
Duve dighjà l’aghjacittura reale

Di a so gloria Impensevule
U missale apertu
Nant’à u so capu
I nevuli
Sposanu
A culomba annunciatrice In gloria
Pò si scureghjanu
È scuranu
Sottu à u villutu
Bronzu
Più à i so affari
Eppo a morte vene

Dicianu
Ùn andate cusì prestu Ùn hè ancu cadutu u celu Nant’à i vostri capi
Ma pò vene
Aspittendu
Rimittite e vostre barette In u sensu bonu

O San Ghjilormu
A teni per tè
Ochji rovesciati Bluccati sempre Nant’à un celu assentu Fiori è frutti

A me patria
Furibonda scema
Ritruvà
Ripruvà u gestu
Miticulosu di u pittore
O Fesch u me Palazzu
Cumu parlà di tè
Osinnì in modu di l’invucazione Invucà

Magnifià
Diluà in u spaziu
U dittagliu qualsiasi D’un pinnellu Rivolutu

A sò fà sensu
È u senzu a me renda bè
Siate felici
Siate clementi
Vasti è fieri
Cum’è sta galeria
Chì scudizeghja
In a luce di a periferia
O u Borgu
O u Borgu
Duve i populi falati da i paesi Tastavanu nanzu à e gioie
Di ciò ch’ùn era ancu a capitale, Chjosa in e muraglie
Chì u to imperatore di nipote Cacciarà

Una casa gialla Trà a cità è u mare Chjarasgi fiuriti

O solu entra in u Palazzu Fesch Girà a statula di u cardinale
Da a manca
O da a dritta

Avvisà si ch’è di modu rituale Si face da a manca
Ciò ch’ùn hà significazione Altra forse ch’è i palmi

In e so casse di legnu Nant’à a splanada vasta Vicina
À a capella Imperiale O a sala Fesch

Sò parechje à l’arrestu
Davant’à a « Napoleone à nantu à u so lettu di morte » Di Denzil Ibbetson (1788-1857)
Unu di i so carceraghji ?
Eppo « Tumbuttu di Napoleone »
In Sant’Elena
In u valle di u geraniu
François Edme Ricois (1795-1881)
Splendida miniatura

Troppu bella pè esse vera Eppo l’ubeliscu
Cù l’inclusione di legnu A cascia

Di Nabuliò (Anonimu) Patineghja a neve È u ghjacciu stà Hè un campu

V astu
Tale una culata
Di sfraiata
Ma piana
Ùn ci manca ch’è u tronu
Reale
Imperiale
Impermeabuli
O l’Hermaphrodite chì cerca e so chjave À u fondu di a so cascia
Duve ellu stà
Nudu bell’intesa
Nuda bell’intesa
Pane è Circulu
Petti
È bitta
Monsieur Coubet
Face nice di vede da luntanu
A barba tagliata bè
Di punta
Pablo face patafii
Di rena
Cullizziuneghja berlinghi
Multiculori
Biglie di vetru
Traslucide
Minacenta
À l’invitati
Però avvenante
Venuti sopr’à ellu
Nant’à l’andatu buccolicu
Simplice andatu
Settimanale
O l’Omu à a Manichetta
Oghje

Sottu titulatu : A Cuscenza O nippone ridiculu
Chì li face pendante
È ancu Gringoire

Sorte da u lettu
Visatu da Giacomoni
O a sirenuccia
Inghjinucciata
Affabulata di maschi è di palmi
Di ciuttà
Duve hè passatu
U tubà
O Parmiggiani puntu d’interrugazione À nant’à a l’arechja dritta
Riposa nant’à u biotu
A so testa
À mezu à
Belli nidi
D’acelli
Un altru nidu
Di fili spinati
L’avene hè un rinaghju
Di rena
À l’infinitu
Cù batelli per sicuru
È barche
Fiascate
O riposu
Venenu picculi omunculi
O licenziamenti pagati
Urdinarii
Minucciati ancu più
In sta immensità
Duve brulicheghjanu
Furmiculi satisfate
Di pett’à l’imense ombilicu
Di plasticu biancu
Minaciendu
Chì minaccia
Minaccia senza fine
Ancu di più
Benedettamente
Senza fà mottu
U gestu qualsiasi

O l’Architettura di i Murandi O l’Oru ridondandu
Di l’epica passata
Chì paria felice

Sicura d’ella stessa
Per l’eternità
Senza succezzione interrotta Di ghjorni
À a quale ci vuleremu subbitu Dà un senzu
Si marchja male in u deltà
È si pichja l’acqua
Cum’elli facenu i zitelli L’arburu chì gira
Ùn piglia muzzu
Nant’à a via di petre

Di legnu
Di sterpe
In pezzi ceppi
Ci ne mena
O fesch
Eccu mi oghje
Indesirevule
O Presidente di a Republica m’hè passatu davanti Da u stomacu
O Léviathan isulanu
O batellu allucicatu
Annant’à u me capu
Naturale micca naturale
Picasso ghjoca à i biribbì
À a bucciata
Nant’à e dale salvatiche
O cusì bè chjamatu Palazzu !
Chì hè sta torre
Supranandu a piaghja
Iss’altu vangonu disertu
Duve si battenu
L’incertani
D’una battaglia
Innamurata
O allora
Trè essari improbabili
Liati stremamenti

Da e fundazione stesse Fauna cavallu acellu Radichju
O vigna di Zeuxis Parfettamenti penti Chì l’acelli

Vennenu à manghjà li
O cervu valandu deliatu
In issu paisaghju senza zitelli
È per causa
O Maghjestà appauranta
Issu lacu di muntagnu
Di lachi
Di diserti
Di mari
O l’immensità senza cunfine
N’è fruntiere
Però
Minuscule
Cum’è piattate
À l’inghjò
Solu segnu d’una prisenza umana
Trè cammini accese
L’una stuppa a so fumaccia
Ocra quand’ella tocc’à ella
Tutta pietinata
Tutta infama
Scurdata
Lasciata da cantu
Eppò s’induvineghja
Quassù à dritta
Cumu ùn l’avia micca vistu ?
Un inseme di palazzi
Cum’è fabriche antiche
Cù e so torre di cammini
Duve a fumaccia si mischja à u paisaghju Sott’à a caduta di l’acqua
Duve l’acqua corre da par tuttu Tranquillamente
O lachi immobili o vapori d’acqua
Figuri ripetati di a caduta immobile
A matrice primordiale ?
Dui pini pussati cum’è à u so ghjudicatu Sott’à l’altu pughjolu

Cori feriti
Infini di a perspettiva
Atolls sanguignulandu
O Picasso Nabuliò
Mescia è sopracigli
Suldatu o suppa
Piscina
Filmu
Si marchja nant’à u mele
Si ciutta in un universu di mele
À tutte e principesse tutte e carezze Sta lente lanterna
Chì aghjurneghja a stella
A puccia à l’arechja
pè a me bella
Assulanata

À a terrazza di u Grandval Nonscialante
Apparente
Energia ramassata

Bia à a buttiglia
A Pietra
Senza piantà d’accende e so sigarette Dura cum’è i so botti
Tende cum’è i sogni
Ch’ùn cerca mancu più
À piattà
Gonfanoni di a so solitudine Affirmata
Rivendicata
Senza esbruffa
Simu à u mondi
Tali quali

Sò andatu
Nanzu ch’ellu piuvissi
Si culorenu d’ocri i nevuli
Ancu
U stessu chì quellu di u teppale
Chì si stende senza mughju sin’à l’orizonte Mancu mustratu
Ghjustu sughjeratu
Riposa a sonna

Magnificamente alanguia
À manu manca
Quellu di u core
I nevuli di u silenziu purpru
Duve si perdenu l’anghjuli scianchi Sott’à e stelle pruttetrice

Simu di’ssu silenziu definitivu Ch’alcuna musica
Ch’alcunu cantu
Ùn venerà disturbà

Si delitenu e stelle Intenziunalmente
Furzemu u trattu
Postu ch’elli parlanu d’elli i stiletti Testimonii parfetti di a sufficenza D’un’epica terribile è rigrettata

Pè a gloria indescrittibuli Chì fù a so marca
A so gloria
È a so billezza

A buntà allora
Era rileguata
U bancaghju di l’affari dumestichi Bastava à parè
Mai scusà si
L’impronttu fù a regula
A furtuna di i ghjunghjitticci
È di e streghe
Ghjustu ùn lascià micca l’emuzione Impurprà i nostri visi
I nostri accimati
I nostri sottu legni
L’insegna di a rivolta
Ùn hè ancu surtita
Di i misteri
Da liò
Duve ti fece, Fesch
Primat
Di e Gallie

Erate tale
Un panni Battandu l’ale In u ventone

Cuntristevule È redenttore Biancu

Imaghjineghju sti banchetti In i curridori in ruvine Duve e piccule capre
Si delettanu

À zozzò passa tempu È s’annoia u tempu Dapoi un pezzu
Chì corre

Passa à l’appiattu
À l’ombra di e torre
Di i l’acqueduchi
Di i Trianon
Mâchicoulis
Armate di a distrada
S’usa solu u tempu
D’ùn vulè mai piantà Dumandà a treva L’armistizia
Passa u tempu
Perde a fede u tempu
In tempu reale
Inventandu d’un colpu
A bella melanculia
A lassitudine di campà torna Eccu ci custodii

Di u tempu
Chì ricusa di stà ci à sente

d’imprestà ci l’arechja
A saparemu un ghjornu dà li raghjò O Picasso à nant’à u to scambellu Finalmente tranquiliu
O Fesch
T’imaghjinandu
Sott’à i tratti
Di Jean-Jacques Beucler
U direttore ben vistutu
Di l’Istitutu Francese d’Alger
Chì mi ricivò nanzu
Cù i me cuetani

À issu bellu Veranu di i Pueti

Cù sta fastuosa simplicità Bona è bella
Di mele
Hè u veranu di e battaglie Navale

Usservate à a gemella
Zattere medusale
Abandunate à i marini
À i nostri antediluviani
In stu mumentu di stupidu anghjelucciu Chjapputi

Facenu a gioia di i fratelli

Parentele sbiguttita
Eccu ci sott’à i pianaghji pinti D’un palazzu
Chì si vulia eternu
Senza cuntestazione pussibuli À a lisiera di l’illusioni Ricuntemu à nant’à i ditti
E nostre furtune di sorte ci ne

A neve
A luna
A notte Trà i panni

U cardinale, u vivu, u temerariu, debunariu Hè un malignu
Ùn si n’andarà cusì
Sin’à quandu l’avvenimenti ùn a vuleranu Piglieranu u so tempu l’avvenimenti

Bella liziò à u nostru locu
Noi ch’ùn sapemu micca
Ùn avemu mai sappiutu
Mai issu bellu ghjuvanottu
À a barba ghjovana
Avvicineghja u so beitucciu delicatamente Di l’anfora chì tene

A paisanuccia petulante Accarizzandu da l’ochji

L’eternità hè quì
Cum’è d’abitudine
In è da i gesti
D’un quotidianu inventatu Osinnò

magnifiatu
Eccu ci dunque
À a l’orice di l’esse Quì in i nostri ghjorni Trimuleghja sempre

Eru

Passantu Senza ricordu N’è sperenza Solu passantu

Ghjoca u ghjornu da a finestra À u luntanu i batelli
Si sò calati di ghjornu
Stà sta luce

Timida
Da darettu à e tinte
Chì mi ricunsiglieghja
Cù u reale
Eiu da darettu u mo vetru Calchì nota
Di musica scunnisciuta
Chì risona ancu
À l’attrachju
Di e sale cardinale
Di u Palazzu
O u me Palazzu
O Diogène per favore Smettila
Ùn faci u scemu
N’è u tontu
Ùn predicheghja più cusì
U falzu
Pè sapè u veru
Cu’mè dicia a purtinara
In issi tempi detestevuli duve

À u modu di l’assemblea sicreta U soffiu di u ventu
Finiscianu à entre

È a vita
Stende i so bracci
Move e so ghjambe longhe Useghja da tutti i strataghjemi Ma ùn ci credu
Simulacri è danza di u ventre Discorsi pronti
È pronti à cunsummà
A vita si ne andata
Cù a so dignità
U so per ellu
A so gloria
Maiestosa
Ma induve ?

A si pigliò cu l’asgiu a furesta
À annt’à i scogli muzzosi Incunsiderementu
A tuntia ùn hè micca à e cumande Sta mane

Hè chì l’avemu
Tagliatu i mani
Per ch’elle ripossanu più prestu À u più malignu
Aghju amparatu u tempu
Chì ti duvia vultà
Ma eru dighjà partitu Abbaghjanu à a luna e cornemuse Avemu cunfiscatu
À u giovanu bellu bravu
A so spada troppu maiò
È troppu pesante
Per ellu
Miraculi in Papuasia
Chì ci vole à pensà
Aspettu u ghjudicamentu
A decisione finale
Di a Curia
A sola abilitata
Regna u silenziu

Di climatisatore
Di falsu bonore Alambicatu
Nemenu cunsideratu
Cù l’attenzione a più maiò Aghju avutu u male

Ad assimilà i dati Mi infileghju
Trà e goccie
E parolle

I morti
E frase
E tele
A so puntuazione Dinamitata

Cù metudu Circunspezzione
Senti i telefoni
À u luntanu pienghjulà I batelli à u molu Runcà

U so annoiu
Chì li face fumà
Tale spinghjifochi Pulmoni brutti
Eccu mi
à l’ascosu
Di u me bellu Palazzu Cardinalissimu
U brama dunque Lancinandu
Di batelli à u molu
Ci eramu persi
Nant’à a strada
Però eramu u sensu Eramu u sangue
I falsi cundutti
Dighjà vechji
Nanzu
Chì fù stabilita
Eramu a sibula
È a sibuletta
Chì si stende pianu pianu E so terre

U so dumaniu
Par di là u mare
Quandu a brama
Lancinandu
Di i batelloni
À u molu
Ti tafuneghja u core
I pueti sò isse mani
Chì laparianu i diti
S’ellu ùn ci era u ventu fretu Ch’ùn dice nunda
Chì và
Ella
Hà per mantellu di sacru
U celu interu
Chì l’accompagna
Nant’à a so marchja à u tronu Imperiale
Riculata di u mare
À rumbu di rame
Sott’à l’ochju languidiu
Di a sirena
Ch’ella hà pigliatu pè cummare A sà megliu ch’è mè
A musica
Chì u più prufondu
U più schietu
Di me stessu desideriu
A mi ghjoca
Senza cumportu
N’è manere
N’è ustentazione
In a galeria
À i busti bianchi
Culà à u fondu
U ditu alzatu
Di Ghjilormu
O Rè di Westphalie !
Mostra ùn si sà
« Piatti à guanti »
D’argentu durati
Ciselatu
Una tabatiera

Erotica
(Marie-Louise è Neipperg ?)
Issu coitu nant’à un cavallu
À prima vista à u galoppu
È ch’ellu staffileghja
Quand’ellu abbisogna
A so catina
Fora
Da darettu à a tendina
A ghjerba di l’amiragliatu
Piatti à guanti dinò
Rittangulari
Uvali ancu
Nant’à pedi
U sole fora
S’aghjaccia
Di u Cardinale nant’à a so statula Drentu
U ghjucadore du Guzla
Egitta
Da Monsieur Paul Leroy
O Djellaba gandoura
Turchinu marezzatu
Collu arrazatu
Quattru corde à u strumentu
Ùn si sà s’elle sò
Simplice o doppie
Riliate tutte
À un simplice pitone di legnu
À u culu di u strumentu
O bellu musicantu à capelli longhi Micca frizati nò, crisputi
Falendu in volute
Sbarsandu di u spigliatu
Opera brudata
A manu dritta pare d’esse à l’opara S’arriposa di manera loscia a manca Nant’à u manechju
È issu tazzu di pullami
À capughjò
U piumame ancu frescu è bè
O fauna à u bichjeru di vinu
Una cuppa infatti
Ch’ellu alza manifestamente

À a salute di u passantu
O à u tempu
Darettu à a so tesa
Trè vele ramentanu
Sott’à a panza di l’acelli di u mare Sopr’à una cria improbabile Vighjata da a muntagna turchina Affaccandu da u mare

Cum’ellu si deve
Curu à issu mumentu Duve e parolle
Mi ripiglieranu a manu

Entru in ranzu, ch’ùn aghju mai lasciatu. Malgradu l’inghjunzzioni ripettute. N’è un kapò. N’è un ghjacaru di guardia, n’è un meli-melo. N’è un bè propriu nant’à sè. N’è un passore di piattu. Solu un omu solu. Incavichjatu à a so propria divinità. Attivandu la senza fine. Senza vergugna . S’ella ùn vi piace. I me Signori. I me sanguidori.

Inghjò in a corte
À l’umbria di u Cardinale Scrive à punti chjosi
Par un dettu
A me bella
U me bellu zogliu
À me stessu
Cum’è s’ellu mi vulia Passà davanti
Ciò chì ferma di u tempu Umilmente losciu
Dilusu nanz’à tuttu
Senza rimorsu
Senza rigrettu mancu Solu in equilibriu benettu Trà e voglie
È l’amarezze
Poveru cum’è Job
È riccu dinò
Malgradu l’anni
Di tutti i pussibuli Inintelligenti
Satisfati d’elli stessi Felici nè
Eppò si ne fala in corsa
E marchje salvatiche

Versu à l’Imperiale Capella Ùn possu esiste
Senza a splendore
Esiste hè ancu dorme

Sin’à u celu
Da u sopru di l’anziana scola

Cù sta disinvultura sacripante Data in sacrifiziu
À u ghjornucciu gloriosu
Chì si pesa in a corte

Duve hè a to statula
A gioia chjama à a gioia
L’anima insegna à l’anima
A furtuna tomba à a morte Quandu si piglia u testu in sè Cunvucandu a so propria morte Chì si intesteghja a so destinata Chì si face sintinella
Bocca in cantu
O a me turturella
O intestuà ti
Curu issu mumentu
Duve e parolle
Anu da ripiglià a manu
Issu desideriu mai sbugiardatu
« Avà ch’aghju trovu
Tutte e risposte
E dumande anu cambiatu »
O tù, Marie Dominique Sampieri)

A puesia ùn saperà esse viva Ùn esiste solu murandu Fendu more
U vichjarellu

L’anima vechja In mè.

O Fesch
T’aghju da dì
Sì tù u sacripante Tuttu cardinale Chì tù fusti
E di e Gallie

U Primu
Nun solu
L’avia vistu vene
A timpesta memorabile
U colpu di tabaccu mastudonticu Mustruosu
Si mettia u golfu in filaccia
I so pentoni schiattati
I so batelli spunciati
Cinati nant’à u cantu
In pendicagliuli
Ancu una semi rimorca
Biancu lettare turchine nant’à e coste E so pagliote
O camini di i duganieri
O bastimenti
Senza sottu sopra
U primu purtatu
Fù u Palazzu di i Cungressi
Eppò a Gara Marittima
Un batellu giallu
Tuccatu culatu
Pò u to Palazzu
Cuminciò à pindiculà
Fece precauziunosamente
Pianu
Voltu faccia
Nant’à u so zogliu
Largandu u passaghju
L’Imperiale Capella
Lasciandu darett’à ellu
Pè i zitelli di u Borgu
L’impusante bibbiuteca
O i so incunabuli !
Pianu si messi à u mare
Derivò un pocu

Gisandu, mufrigandu si Rilivendu si pianu Cardinalissimamente
Nanzu di stabilisce u so gitu È di piglià a misura

Drittu
Versu à a surtita di u Golfu

U principiu di u largu
Di u largone
O u pilottu chì corre appressu
Chì si richjappa
A so videtta bianca
U si alza à bordu
Si cunnosce a manovra
Pensi
Drittu versu u largu
L’altu mare
À u passaghju di l’Isulella
Ti vidimu Cardinale
Installà ti à a prua
Figura di prua parfetta
A to statula
di a corte di u museu
O tù
In cattedra è in ossu
In veru
In verità
Ziffrà i ducumenti
E scariche d’usanze
È quale hè u Capitanu nè ?
O u Cumandante !
U veru
L’Omu à a Manichetta
Pò andà à riveste si
Ustinà si à squadrà mi
Ùn hè Cardinale chì si vole
Ùn ti ghjunghjerà mai à u talorcu
Ch’ai si dice fine
O Cardinale
U me bellu Cardinale
Imbarcatu à bordu di u to bordu
È chì abbiacheghja
Franchendu e sturiette
L’analetti
Versu u grande largu duve tutti si abbulisce E sturiette l’analetti è i falsi pari
E bellezze e desesperanze
O u grandu largu
Issu Tuttu chì hè u Nunda
Ch’è tù urduneghji
Da l’efettu di a to corsa stessa

Corsa pianu d’un cursariu À u serviziu di sè stessu A so propria causa
Quella chì s’hè data

À a quale hà sappiutu rassegnà Cundiscende
O tontu u me Cardinale
Fenu d’ingannu

O tontu in u grand volu Di marangoni
D’agule
Di gabiani

D’acelli bianchi è d’altri
O a squadra d’acelli di mare ale sott’ale O quelle di l’acelli di terra !
È voga a galera
Tontu versu u largu
Versu u Tuttu
Versu u Nunda
Fiacculante
Ti n’arricordi ch’à a punta di u largu
À u largu di u largu, al di là di l’orizonte D’un colpu si ferma u mare
È a pianeta
Hè caduta in u biotu cosmicu
Populatu di polvare
Di stelle
Di dii, mezu dii, eroi
Bravacci à a to manera
Umani, troppu umani
À a to maghjina, u me Cardinale Inarchittatu nant’à u to cargu
Ch’ùn hè solu tè stessu

Micca tantu stranniu U ciuttone
Ùn t’abbadda quessa O Fesch

Tuttu à e to maraviglie
E to rutilanze
Strinte in i to fianchi
Duve si scalineghjanu i to ponti

Ch’è t’ùn pianti à trascorre

Di u più altu tuccandu u celu
À u più bassu, à u rasu di mare
Da u più bassu à u più altu Anelente
O Ponte Nabuliunianu
O Ponte Primitivi taliani...
O Fesch Infiacculatu
O Infiacculatu
Addisperandu
O Cardinale stravagante
Chì ci porta da fole in canzone Fesch si ne và in crucera
Tintu Prontée
Chì voga, voga
Chì fila, fila
Bravacciu piratu
Versu d’altre chimere
D’altre isule intechjevule
D’altri mari D’ussidiani
O allora al di là di l’orizonte Cum’elli l’imaghjinavanu l’Anziani Ùn t’affundeghji in u biotu Intersiderevule
Intersiderale
U to cargu ridiculu
À u calore di i to fianchi
À i multipli ponti
Pentoni entreponti
Ùn vi ne fate, l’Anghjuli !
Hà i so dui paracaduti
U dorsale è u ventrale
U tontu Protée pensa à tuttu
È ellu s’intuntisca !
S’intuntisca, s’intuntisca dunque
Di più bella
Versu à e to metamorfose
E nostre parsunale metamorfose Ma guarda ci ab eternu
Per piacè
L’Omu à a Manichetta !
O tontu, tontu
Tontu Protée
Tontu, tontu
Protée tontu

Sopratuttu ùn metti micca manichetta Omu di u ventu, bellu bastimentu Avventatu bastimentu
Ancu scortu però

Solu tontu
È ghjè dighjà assai.